Waxbarasho iyo barbaarin
Nabiga (صلى الله عليه وسلم) wuxuu si joogta ah waxbarasho iyo barbaarin u siin jiray, Asxaabtiisa isagoo naftooda daahirin jiray oo ku boorin jiray dabeecadaha san, wuxuuna ku edbin jiray kalgacalo,walaalnimo, sharaf ,cibaado iyo wax maqal.
Hadaba waxaan qaybo kasoo qaadanayn axaadiis ka hadlaya arinta aan soo sheegnay ee ah dabeecada san.
Nin baa maalin su,aalay Nebiga (صلى الله عليه وسلم) Maxaa islaamka u khayr badan? Wuxuu yiri: Inaad wax quudiso oo siiso raashin oo aad u fidiso salaan iyo nabaadin(macnaha aad tihraahdo As-Salaamu calaykum) ciddii aad taqaan iyo ama aadan aqoonba.
Cabdullaahi bin salaam wuxuu yiri: Markii Rasuulkku (صلى الله عليه وسلم) Madiina yimid baan u imid, saa markii aan wajigiisa arkay baa waxaa ii caddaatay inuusan wajigiisy weji beenlow ahayn.
Wuxuu yiraahdana waxaa u horreeyay:”Dadoow faafiya salaanta iyo nabaadiinada dhexdiinna, quudiya oo siiya cunto baahnaha, xiriiriya qaraabada,tukada habeenkii(salaatu leyl) inta dadku hurdaan, markaas waxaad nabad ku geli doontaan Jannada,e.”
Nabiga (صلى الله عليه وسلم) wuxuu kaloo yiri:”Ma geli doono Janno qofkii aan deriskiisu ka bad-baadin sharkiisa.”(muslim baa weriyey)
Nabiga(صلى الله عليه وسلم) wuxuu kaloo yiri:”Muslim waa qofkii ay muslimiintu carrabkiisa iyo gacatiisa ka nabad galaan”.(Bukhaari baa weriyey)
Nabiga (صلى الله عليه وسلم) wuxuu kaloo yiri:”Qofkiin ma rumayn(rumeyn dhan) jeer uu walaalkii la jeclaado waxa uu naftiisa la jecel yahay”.(muslim baa weriyey)
Nabiga (صلى الله عليه وسلم) wuxuu kaloo yiri:”u`miniintu gacaladooda iyo isu diir naxooda waa sida jirka aadanaha, oo haddii uu il ka jirrado kulligii jirrado, haddii uu madaxa ka jirradana kuligii jirrado” (muslim baa weriyey)
Nabiga (صلى الله عليه وسلم) wuxuu kaloo yiri:”Xiriirka walaaltinnimo ee ka dhexeysa labo Muslim waa sidii dhis qaarba xajiyo qaarka kale.”(waxaa weriyey Bukhaari iyo Muslim)
Nabiga(صلى الله عليه وسلم) wuxuu kaloo yiri:” (Ha u haynina nacayb qof muslim ah, oo ha xasdina, oo ha u duwina dhabarka muslim, oo addoommada Alloow walaalo ahaada, qof muslim ah uma bannaana inuu caro iyo ciil kaga maqnaado(ka aamuso) walaalkii in ka badan saddex maalmood. (Bukhaari baa weriyey)
Nabiga (صلى الله عليه وسلم) wuxuu kaloo yiri:”Muslimku qofka muslim ahi waa walaalkii oo ma dulmiyo mana gacan geliyo oo ma hagrado, qofkii walaalkiis u sahla muraadkiisa, Alle baa u sahla isagana danta iyo muraadkiisa,qofkii qof muslim ah kurbo ka faydana, Alle baa ka faydi doonakurbo ka mid ah kurbooyinka Maalinta Qiyaamaha, qofkii qof muslim ah u ceeb asturana Allaa u ceeb asturi doona maalinta Qiyaamaha. (waxaa weriyey Bukhaari iyo Muslim)
Nabiga (صلى الله عليه وسلم) wuxuu kaloo yiri:”U muujiya naxariis waxa waxa dhulka jooga kan cirka jiraa(waa Allaah) ha idiin naxariisto`e.”(Abuu Daa´uud, Tirmidi)
(La soco qaybaha dhiman, haddii Rabbi idmo)
Bahda waaniye.com
Xadiis