Xikmad(QEYBTII 6AAD)
Xikmad qaybta 6aad
Dardaarankii Luqmaan wiilkiisa u dardaarmay
1-Luqman wuxuu wiilkiisa u dardaarmay, dardaaran qiimo gal ah oo Alle Qur`aanka kariimka ah noogu sheegay. Wuxuu yiri Luqmaan : Wiilkaygiiyoow Illaahey ha u shariig yeelin shirkigu dulmi cad weeyee ,wiilkaygiiyoow Salaadaha oog oo Samaanta far, xumaantana reeb oo ku sabir wixii ku asiiba, arrimahaasi waxay ka mid yihiin kuwa la mahdiyee. Dadka ha u buurin afka adoo daanka u duwaya, dhulkuna isqaad qaad ha ugu socon Alle ma jecla mid kastoo is qaad qaada iyo faan badan. Socodkaaga wanaaj, codkaagana gaabi,(ogowna) cod waxaa ugu fool xun kan dameeraha.
2-Sida kusoo aroortay kitaabka magaciisa layiraahdo MUFIIDU ADDAALIBIIN ee asaguna kaydiya xigmadaha ay dadkii hore yiraahdeen. Waxaa jirtay in nin kamid ahaa raggii hore uu yiri " Wax walba oo aan arko waxbaan ka faa'iidaystaa oo aan kabartaa", markaasaa raggii lajoogay waxay yiraahdeen, waayahaye haddii xaalkaagu saasyahay noosheeg waxa aad kafaa'iidaysatay ood kabaratay xayawaanka kala ah DAANYEERKA, TUKAHA IYO EYGA?.
Wuxuu ku jawaabay ninkii :
~ Daanyeerka waxaan kabartay feejig-naantiisa, iyo sida uu u ogyahay waxa kadhacaya hareerihiisa.
~ Tukaha waxaan kabartay Kallahaadda waabari iyo in aan udhaqaaqo danaha aan leeyahay.
~ Eyga waxaan kabartay sida uu ujecelyahay sayidkiisa(qofka leh), taasina waxay ugu dhiiri gelisay inaan jeclaado dadkayga iyo qaraabadayda.
Faa'iido kale:
Waxaa kale oo laweriyaa, in laga qaadan karo darsi, laba xayawaan oo taagdaran laakiin dhaqankoodu cajiib yahay, waana aboorka iyo quraanyada. Waxaa layiri labada darsi ee laga qaadan karaa waa sida ay isugu duuban yihiin, iyo sabirkooda, taasoo usahashay inay qabtaan hawl aad uweeyn oo dadka kafajicisa, sida dhisidda dudumaha, reer koofureedkuna waatan ay kumaah-maahaan QURAANJO ARUURTAY BULAC WAA JIIDAA !..
Wabillaahi attoowfiiq.
Xadiis